Percakapan Lesung Emas (Bagian 1)




Percakapan Bahasa Lampung
Percakapan dialek A logat Belalau dari Liwa Lampung Barat



Lesung Emas




(Di daghak hughik ghuwa inggoman. Tiyan kak nganak sai. Anakni kak kughuk ngamuli. Penyepokan tiyan nyabah di tanahni Punyimbang Bumi)

 Murod      : Lesung emas sinji haga tiseghahkon jama Penyumbang Bumi
Lekok       : Ngapi haga tiseghahko jama punyimbang? Tagan di dija gawoh. Sikam ghuwa
                   sai ngahalu lesung emas sina
Murod      : Temon sina sikam ghuwa sai ngahaluni, kidang tanoh sabahni pengenian anjak
                   Punyimbang, kak semestini gham seghahko jama sai berhak
Maisaroh  : Bunda, benogh cawa ayah, lesung emas sina kak semestini gham seghahko
                   jama Batin Ratu Sangun Bijak. Kidang dang ganta
Murod       : Ngapi mak geluk gham seghahko, Saroh?

Maisaroh  : Dang tiseghahko kung ki helluni mekung kehaluan gham
Murod       : Kanah ayah jelasko jama Batin Ratu, helluni mekung kehaluan. Kik ghadu
                   tungga tantu gham seghahko
Lekok       : Kik Batin Ratu mak peghcaya, beno ayah dituduh bebuhung. Sikam dapok
                   dipenjagha unyin
Murod      : Dang neduh teduh mak helau jama Batin Ratu. Jemoh kalalibuk ayah haga
                  ngantakko lesung emas sinji.


(Singkat ceghitani Murod kak ngahadap Batin Ratu Sangun Bijak)




Ratu         : Cawa pengawal, wat sai haga kuti seghahko jama sikam, api hal sina?
Murod       : Mahap sikam kilu mahap jama Batin Ratu kak ghadu ngaganggu Batin.
                   Keghatongan sikam mit dija haga nyeghahko lesung emas
Ratu         : Lesung emas?

 Murod      : Yu Batin Ratu. Lesung emas sinji sikam halu jak tanoh pengenian Batin Ratu pepigha bulan sai likut. Sewaktu sikam jama inggoman lagi ngagali tanoh haga ngaguwai somogh, tembilang sikam takena lesung emas sinji.
Ratu            : Oh ghena ceghitani. Kidang dipa helluni? Kik wat lesung kak tentu wat helluni.
Murod         : Sikam makwek buhalu jama helluni. Angkah lesung sinji sai tihalu.
Ratu         : Niku pasti bubuhung. Niku pandai, sapa gawoh si ngabuhungi ghajani dapok hukuman penjagha
Murod    : Sikam paham Ratu, kidang api ulah diya, sikam angkah dapok lesungni, sedangko helluni sampai ganta mak tihalu. Sikam bujanji kik helluni tihalu langsung gham seghahko jama Batin Ratu
Ratu        : Sikam mak peghcaya niku, hulun pembuhung. Pengawal! Kughukkon tukang buhung hinji ke lom pengjagha!

(Murod kughuk penjagha. Maisaroh lapah ngahadap ghaja, kilo bibaskon ayahni)

Maisaroh  : Temondo Batin Ratu, helluni kung tihalu. Ayah sikam mak bubuhung. Mak mungkin sikendua bani bebuhung jama junjungan sikam
Ratu          :  Sikam kung peghcaya. Kidang dacok gawoh ulun tuhamu bibas, kik niku dapok menuhi syarat jak sikam
Maisaroh    : Sikam sanggup. Api syarat sina?
Ratu           : Jemoh ayahmu dapok bibas, ki niku ghatong nyungsungni mit dija. Asalko niku mak bisinjang bukawai, kidang mak bitung. Mit dija mak bukendaraan, kidang mak munih lapah cukut. Ki niku mak sanggup, taganko hulun tuhamu kughuk penjagha seomogh hughikni.


(bersambung di pertemuan 4)

Komentar

Posting Komentar

Postingan populer dari blog ini

Pepancogh

2.1 Standar Kompetensi       Memahami nilai luhur dan mengapresiasi nilai seni yang terkandung dalam sastra lisan Lampung sebagai bagian dari seni sastra nasional melalui pengamatan 2.2 Kompetensi Dasar       Memahami Ciri-Ciri Pepancogh Pepancogh Pepancogh adalah sala satu jenis sastra lisan Lampung berbentuk puisi yang lazim digunakan untuk menyampaikan pesan atau nasihan dalam upacara pemberian gelar adat. Istilah "pepancogh" lazim digunakan oleh masyarakat Lampung dialek A,  pada masyarakat Lampung dialek A Sebatin dikenal dengan istilah "wawancan". Sedangkan pada masyarakat Lampung dialek O dikenal dengan istilah "pepaccur". Pepancogh terdiiri atas 4 atau 6 baris setiap baitnya dengan rima a-b-a-b atau a-b-c-a-b-c. Setiap baris pepancogh merupakan isi. Sudah menjadi adat masyarakat Lampung bahwa pada saat bujang atau gadis meninggalkan masa remajanya atau pada saat mereka memasuki kehidupan berumah tangga, pasangan pengantin itu di...
Baca selengkapnya

Percakapan Lesung Emas (Bagian 2)

(Sesampaini di lamban Maisaroh bughiyap, api caghani ngejawab peghintah Batin Ratu. Tengah debingi ya nungga cagha ngehadop Batin Ratu. Jemohni di jengan Ratu Sangun Bijak kak nunggu keghatongan Maisaroh.) Maisaroh  : Selamat Tepui, Batin Ratu ( Cawa Maisaroh jak lom kaghung sai tiikok do galah kibau) Ratu          : Selamat tepui. Sapa niku sai ngumung kidang mak ngidok hunni Maisaroh  : Sikam Maisaroh, Batin Ratu. Sikam haga nagih janji Batin Ratu. Ganta bibasko ayah sikam jak penjagha Ratu          : Api halni ayahmu dapok bibas? Niku masih ingok syaratni? Maisaroh  : Masih ingok, Batin Ratu. Sikam ghatong di dija mak makai sinjang atawa kain, kidang juga mak bitung. Ratu          : Api syarat sina kak niku penuhi? Ganta gawoh kok jelas niku makai kaghung. Maisaroh  : Syarat sina kak sikam penuhi. Sikam sebenogh mak bupakaian. Hal kaghung sinji, sikam haga ngagulih jama kuti ghum...
Baca selengkapnya